Sólrún og Hjördís

bling

2006-05-05T11:43:00.000Z

testing

2006-04-11T01:07:00.000Z

http://apps.rockyou.com/rockyou.swf?instanceid=18885221" quality="high" wmode="transparent" bgcolor="#000000" width="426" height="320" name="rockmyspace" align="middle" allowScriptAccess="never" type="application/x-shockwave-flash" pluginspage="http://www.macromedia.com/go/getflashplayer" />

Ný síða

2006-01-18T16:13:00.000Z

JÆJA ERUM KOMNAR MEÐ NÝJA SÍÐU GOTT FÓLK!

www.blog.central.is/haraldsd

kíkið á hana
Sólrún og Hjördís

ég

2005-12-20T21:40:00.000Z

fann þristapoka inni í skáp,
hann er síðan í fríhöfninni þegar ég fór til danmerkur,
ég var búin að gleyma,
borðaði hann allan,
óvart
húðin mín verður reið,
myndar fjallgarða
og gýs

Fyrirgefðu :(

hjör

10.DES

2005-12-10T14:09:00.000Z

Já í dag er 10. desember og já þá á hún Lísa María alltaf afmæli:)
Eins og þið sjáið þá er Lísa alltaf mjög spennt þegar hún á afmæli, svo að til hammara með ammarann Lísa mín og have a nice day;)

capoeira, ljáðu mér eyra

2005-12-05T22:41:00.000Z

Pælið í því að vera þessi gaur, djöfull væri það gaman,, vera bara eitthvað að rölta á laugarveginum og taka svo bara eina góða arabaflikktvöfaldaskrúfu, lenda á öðrum fæti og hoppa svo upp á gám og hliðarheljar niður af honum aftur.

Er samt eitthvað brenglað lið sem getur þetta, hoppar bara tvo metra upp í loftið á staðnum, hlýtur að vera einhver vansköpuð fjöðrunarbrenglun í fótunum á þeim.

Ég elska Will & Grace og get horft á það endalaust, hlæ mig máttlausa ein inni í herbergi.

ohh ég elska þau

Hjör

fyllerí eða beilerí?

2005-12-04T19:26:00.000Z

jájá fórum nokkur heim til Gumma í gær, sem var fínt. Ætluðum svo að fara á Sálarball, en svo var víst ekkert hægt að kaupa miða. Þannig að við ætluðum að kíkja bara í bæinn í staðin.En NEI fólk fór annaðhvort heim því það var svo fullt eða edrú eða svaf í hjónarúminu heima hjá Gumma! Þannig að ég var komin heim kl. 2:40. Þannig að það er óhætt að segja að Tópas Staup er hættulega gott!!

Fór á Saw 2 með Jennýju áðan, og mæli sko með að fólk fari á hana, kannski ekki mynd fyrir þig hjöra mín...

http://www.kvikmynd.is/myndband.asp?id=1711
sjitt hvað þetta er fyndið video....

búum til betri heim

2005-12-01T19:27:00.000Z

Hversu ógeðslega hallærislegt er það þegar maður er að labba og flækir annan fótinn í buxnaskálminni á hinum? ég gerði það áðan og datt næstum því, djöfull leið mér illa.
En ég jafnaði mig þó fljótt og fékk mér pulsu.

Þórunn er komin heim jeiiij, það var gaman. er samt ekkert búin að hitta þig Þórunn nema í fyrradag og ég sakna þín, call me.. eða kannski ég hringi bara í þig hí hí hí, nje djók.

þegar ég er
hérna með þér
enginn mig sér
eins gott, því ég er ber.

var að skoða símaskrána í vinnunni í gær og fann einn sem heitir Pétur Bauer og einn sem heitir Gert Helgi!
Vel gert Gert Helgi minn HA HA HA
Muniði ekki eftir píunni í Friends sem var að dansa við Ross í brúðkaupinu sem hét Gert?

Gert Helgi í góðum fílíng

Hjör

mannakast

2005-11-13T14:52:00.000Z

Sunnudagsfílíngur í mér, vá hvað ég nýt þess þegar ég er í fríi. Þurfa ekki að hugsa um tímann og geta bara hangið og gert hvað sem mig langar til.

Var að gera ógeðiserfiða gátu á visindavefur.is og gat hana ekki en var svo líka að lesa svarið við spurningu sem einhver sendi inn "Hvaða mannsnafni getur þú hent í annan?".

Greinlegt að ritstjórnin hefur húmor sem er gott því stundum er gáfað fólk leiðinlegt en samt ekki allt,,, eða eitthvað..

ég er til dæmis alveg ágæt,, finnst mér

Get ekki sett link á þessa grein en það er auðvelt að finna hana undir "föstudagssvörum" sem ég er líka búin að vera að lesa og skemmta mér konunglega.

Já, eins og þið getið lesið þá er brjálað að gera hjá mér og núna ætla ég að fara að fá mér ristað brauð með nesquick oná, mmmmmm

alltaf að hugsa um línurnar

Hjör

þar fer Högni Már

Ég er undir þínum áhrifum í daaaaaaaaaag

2005-11-08T21:50:00.000Z

Vissuð þið að "að súmma nær" eins og að súmma á myndavél og svona heitir "að þysja inn" á íslensku??? hver fann eiginlega upp það orð.. frekar halló kalló

Annars allt gott að frétta, skrapp til Köben yfir helgina og skellti mér á eitt stykki Sálartónleika..

Flugum út snemma á fimmtudagsmorgunn og vorum komin svona um hádegið, tókum bílaleigubíl sem var b.t.w svo nýr að hann var keyrður 28 kílómetra,,, við bara áttum ekki til eitt aukatekið.. mega kúl.

Fórum svo í bæ sem heitir Haslev og er bærinn sem ég átti heima í þegar ég var 0 til 4 ára,,, skemmst frá því að segja þá rúntuðum við um allan bæinn og pabbi og mamma sýndu okkur svona hvar við áttum heima og hvar við vorum í leikskóla og svona,,, ég mundi ekki neitt. Það eina sem ég mundi var eitthvað sem ég hef séð af vídjói svo það telst ekki með.

Vorum svo boðin í mat hjá vinafólki ma und pa, sem ég ætla að sleikja upp svo ég fái að gista hjá þeim þegar ég fer á Hróarskeldu næsta sumar.

Guðrún og Viggó, þið eruð án efa sætasta og skemmtilegasta vinafólk mömmu og pabba og ef að ég ætti þau ekki fyrir foreldra þá myndi ég hiklaust velja ykkur. Þið eruð líka svo fyndin og lyktið svo vel, með góðan tónlistarsmekk og sniðugar hugmyndir.

(held alveg pottþétt að núna hugsi þau málið)

Föstudeginum eyddi ég í búðarráp á Strikinu og aðdáun á Kaupmannahöfn og tjillinu þar, ohh ég var svo glöð að vera í fríi í vinnunni. Ætlaði svo út að borða með Eddu Karen og co en nennti ekki og ákvað að tjilla aðeins uppi á hótelherbergi áður en ég færi að hitta þau.

Tjill skilgreint: Svaf í klukkutíma, horfði á bíómynd og drakk bjór, fór í sturtu, drakk bjór og gerði mig til, reyndi svo að hringja í alla en enginn vildi mér svara, ég var tilbúin en enginn vildi leika, ég drakk meira og var búin með kippu, horfði á Stepmom og grenjaði ein á hótelherberginu með bjór í annari, snakk í hinni og fimm tóma bjóra á náttborðinu, þerraði tárin og skipti um stöð af því að myndin var búin, horfði á endinn á Moulin Rouge og grenjaði meira, fékk símtal og svaraði með tregafullri röddu, varð glöð og fór í bæinn.

Jólabjórinn var kominn í hús, ég hitti ma und pa, vinafólk og Lune, sem er dönsk kona sem átti heima með okkur í Haslev, hún mundi eftir mér en ég ekki henni, ég talaði við hana í þrjá klukkutíma á dönsku, mamma mín varð hlessa og ég líka.

Óli píka

fórum á einhvern skemmtistað og gaman gaman, skemmtilegra samt á leiðinni heim með mömmu þegar við hittum fullt af dönum og spjölluðum við þá, fórum svo í 7/11 og hittum þar tvo norsara og ég spurði þá hvort þeir þekktu John og Rune en það gerðu þeir ekki, ég tók vídjó af þeim en kann ekki að láta svoleiðis inn á síðuna, fokkin ei.

Fór í Fisketorvet á Laugardeginum, fór svo í fyrirpartý fyrir ballið til Sigrúnar sinnum tveir. Og skemmti mér konunglega þar í litlu sætu íbúðinni þeirra, fórum svo á ballið og ég stóð fremst og söng og söng og söng og trallaði og hoppaði og púaði og spúaði, hvæsti og fnæsti og dæsti svo að

lokum.

ég söng svo mikið og trallaði að einn maður sem stóð í vegi mínum til að vera fremst, sneri sér að mér og sagði: "heyrðu, ég sé að þú ert svona um það bil að missa þig þannig að vilt þú ekki bara skipta við mig um stað?".. ég var ekki lengi að henda honum í burtu og hoppa og dansa fremst með Stebba.

Fór heim á Sunnudeginum þunn og ógeðsleg, í minnstu flugvél sem ég hef séð og þurfti að standa inni á klósetti og skvetta framan í mig köldu vatni til að æla ekki. VEI.

En þetta var gaman og núna er þetta orðinn langur pistill. Ég er einstæð móðir þessa stundina vegna þess að foreldrar eru enn í útlöndum, ég þvæ þvottin og "elda" (takk fyrir okkur Erling hehe), læsi svo mig og barnið úti og fæ svo helvítis rauða miðann á hurðarhúninn,,, "þú átt sameignina þessa viku".

Var svo að reyna að vera voða skemmtileg systir og sagði við Ylfu svona ýkt hressum tón: "hei Ylfa, veistu hvað við ætlum að borða, viiiiiið ætlum að borða PPPPPPÍÍÍTSUUUUUUUUU", hún varð ekkert voða spennt, aldrei þessu vant, af því að ég veit ekki um neitt barn sem elskar pítsu jafnmikið og hún. Svo sagði hún allt í einu við mig: "En Hjördís, ég borðiggi kisu".

Gryðlíður og Guðmundur hvað leið næstum því yfir mig af hlátri.

Að lokum,, lúðrún og lúðunn, lov jú gæs og þið eruð fyndnustu vinkonur mínar sko, (hei þetta "gæs" gæti alveg skilist sem sko fuglategundin gæs, en það er ekki það sem ég var að meina)

Hjör

Ps, myndir komnar inn

Pss, Kalkofnsvegur er sans doute hallærislegasta götunafn sem ég hef augum litið..

Fallegt haust í Danmörku

smá flipp

2005-11-08T11:27:00.000Z

ojj þetta er ógeðslegasta mynd sem ég hef séð af okkur,, vá fórum í svona kassa og auðvitað sést myndin fyrir utan og fólk var farið að stoppa of horfa á okkur hérna í mollinu. Guð augað á mér er eins og á hulstrinu á The Grudge, og þórunn er eins og Einstein...hahaha

Hei finnið villuna, eða hvað er athugavert við neðri myndina?????

Glasgow

2005-11-07T12:46:00.000Z

jæja þá er mar komin til Glasgow, jibbííí
í flugstöðinni sat ég fyrir framan sjónvarpið og beið eftir að það kæmi boarding á skjáinn og var búin að bíða í smá tíma. Haldiði ekki að að það komi allt í einu GLASGOW - CLOSED! ég flýtti mér að einhverju þjónustuborði og spurði konuna hvað væri í gangi.og hún alveg uuu já villtu HLAUPA núna ef þú ætlar að ná flugvélinni...og ég alveg uu já byrja að hlaupa og að gatei 27 alveg eins og brjálæðingur..mér leið eins og fólkinu í Home Alone! svo loks þegar ég kem móð og másandi þá er bara fullt af fólki í röð og ég var ekkert orðin of sein..Demit mér leið eins og asna!
en jæja ég komst allavega til Þórunnar og Teitsa:) ohh hvað það var gaman að hitta þau;)
en við erum búin að versla soldið og erum að fara að skoða e-ð og svona í dag, svo er brjálað djamm á morgun.
ohh ætlaði að setja geðveika mynd inn en get það ekki...
jæja er farin með Þórunni að versla smá meira:)
blessó

skordýrahugleiðingar

2005-10-20T12:25:00.000Z

Fór út með ruslið um daginn og þegar ég var á leiðinni inn aftur, tek ég eftir því að það eru óvenju mörg fiðrildi fyrir utan hjá mér. Svo að ég stóð eins og bjáni fyrir utan hjá mér að telja þau. HEYRÐU ÞAU VORU 63! OJJJ mér finnst svona grá fiðrildi vera ógeð og hvað þá að hafa 60 stykki hjá útidyrahurðinni hjá manni. heyrðu svo í leiðinni tók ég eftir einni könguló sem var svona eins og krabbakónguló nema með rauðar fætur, og í þokkabót var hún að passa risa stórt bú!!! þannig að undanfarið þegar ég hef verið á leiðinni út, tók ég alltaf stórann sveig fram hjá ógeðinu!já mig langar sko ekkert að sýna ykkur mynd af henni því hún er ógeð(eða var ógeð, hárlakkaði hana til dauða).

En já heyrðu er fólk e-ð að fara á Icelandairwaives???
Ég ætla að skella mér á Gus gus á laugardeginum, því ég var veik þegar þeir voru síðast!Svo maður verður að mæta!!Guðný svo þegar langa lagið kemur,man ekki akkurat hvað það heitir þá verður sko dansað!!
jæja er farin heim til mín að hitta ma og pa sem voru að koma frá spáni! Væri alveg til að fara í smá hita í viku sko...
leiter SH

Tribute to Lárus

2005-10-14T17:43:00.000Z

Þegar ég var lítil þá átti ég heima í rauðu blokkinni, nánar tiltekið Hjallabraut 43, það voru góðir tímar. Í stigagangnum mínum voru tvær skemmtilegar stelpur sem ég lék mér jafnan við, þær heita Guðríður og Karen. Við áttum voðalega erfitt með að leika okkur þrjár saman og voru það óskráðar reglur að þær tvær sem byrjuðu fyrst að leika sér saman í það skiptið leyfðu þeirri þriðju ekki að vera með, allavega ekki fyrr en hún klagaði í mömmur þeirra. Þetta hefur eflaust verið afskaplega þreytt fyrir mömmurnar eins og gefur að skilja en svona var þetta bara.
Við vorum oft að gera skemmtilega hluti eins og lita á blað með vaxlitum, brjóta það saman og strauja svo myndin speglaðist á hinn helminginn, fara út í Miðvang með flöskur og kaupa okkur nammi í sjoppunni bak við, stinga bróður minn af sem einu sinni leiddi til þess að hann handleggsbrotnaði,, en það er nú allt önnur saga :-S
Einu sinni, ég man ekki alveg af hverju, en þá fékk ég að fara í Leikbæ og velja mér dúkku og vá hvað ég var glöð. Fór með hann heim og skírði hann stolt Lárus, ekki spyrja mig af hverju ég skírði hann Lárus, kannski af því að það var strákur í bekknum mínum sem hét Lárus eða kannski af því að pabbi hennar Karenar heitir Lárus, en Lárus átti hann allavega að heita.
Ég hugsaði svo vel um Lárus, þrátt fyrir ítrekaðar tilraunir bróður míns til að myrða hann, já ég ætla ekkert að vera að skafa af því,, hann reyndi margoft að myrða hann,, oftar en ekki kom ég heim og þá hékk Lárus á hurðarhúninum í herberginu okkar Andra á snöru sem var bundin um hálsinn á honum og svo var hann nokkrum sinnum barinn í hausinn með hamri. Ég lét þá plástur á staðinn sem hann hafði verið barinn á, það sást af því að hamarinn var rauður,, lét svo Lárus út að sofa í fína vagninum mínum og skildi svo ekkert af hverju hann var svona kaldur í kinnunum þó að ég hefði klætt hann í öll fötin sem hann átti.
Einn daginn hitti ég Guðríði og Karen og þá voru þær báðar búnar að fá svona dúkku, bara aðeins minni. Önnur hafði skírt sinn Lárus Már en hin sinn Lárus Þór, ég var nú ekki sátt og sagði að þær væru að herma eftir mér en þá sagði Karen að hún væri ekkert að herma, hefði bara skírt sinn í höfuðið á afa hans.

Ohh ef þetta væru helstu áhyggjur manns í dag, þá væri lífið nú þægilegt.

En það er skemmst frá því að segja að hann Lárus fór með mér um allt, m. a í pottinn hjá ömmu og afa þar sem hann þurfti svo að dvelja í nokkra daga vegna þess að hann gat ekki hætt að pissa, í alla sumarbústaði og útilegur og ég veit ekki hvað og hvað.
Lárus er núna orðinn 14 ára en hefur lítið breyst, er núna kominn í umsjá Ylfu litlu systur minnar, sem hugsar greinilega ekki alveg jafn vel um hann og ég gerði,, hann er núna búinn að vera inni í fataskáp í viku, að hvíla sig, að hennar sögn en situr núna sæll og glaður í fanginu á ömmu sinni að horfa á sjónvarpið.

Hjör

-veik og eirðarlaus-

Ef eitthvað er beint þýtt úr amerísku sjónvarpi

2005-10-13T21:04:00.000Z

VAHAHAHAHÁÁÁÁ hvað ég fæ mikinn kjánahroll af að horfa á þennan þátt,

á virkilega erfitt með að horfa á eitthvað svona vandræðalegt í sjónvarpinu eins og fram kom í punktunum sem Sólrún gerði um mig. Samt horfi ég alltaf á hann. Sit bara allan tímann með fjarstýringuna í hendinni svo ég geti skipt um stöð þegar eitthvað asnalegt eða halló kemur.

Og btw, af hverju heitir þetta ekki bara íslenski piparsveinninn? mér finnst orðið piparsveinn ekkert sérstaklega óþjált eða vont orð.

Hjör

Mikið gasalega ert þú lekker

2005-10-11T22:11:00.000Z

Jæja, þá er maður orðinn kona, mikið er ég guðslifandi fegin, orðin 21 og farin að lifa eftir því. Byrjuð að hugsa um alls konar þroskuð málefni, farin að nota endingar eins og "'skan mín" og "vinan", orð eins og "móðins" og "sjáum til".
Herbergið mitt er ennþá spikk og span og ég er búin að fara þrisvar sinnum út að labba á kvöldin. Er búin að elda mér fisk að borða og fara á foreldrafund.
Þetta er ekkert smá gaman og vildi ég að ég hefði orðið kona fyrr. Bráðum ætla ég svo í útilegu með fellihýsi og kaupa mér stóra ljóta flíspeysu til að vera í.

Annars þá var ég að láta inn fyrstu myndirnar sem ég tók á nýju guðdómlegu myndavélina mína sem er svo góð að ég gæti tekið góða mynd af bróður mínum þó hann væri í Túnis. Þetta eru myndir m.a úr smá mannfanga hjá Heidi, afmælisdeginum mínum, heimilislífinu og svona hinu og þessu.

Jiii, er klukkan orðin svona margt? þarf að fara að sofna yfir fréttunum

Bless'skurnar og passið ykkur á bílunum
Hjör

lifðu í lukku en ekki í krukku

2005-10-09T11:46:00.000Z

Til hamingju með afmælið Hjördís mín, og velkomin í 21 árs hópinn:)
í tilefni afmælinu hennar Hjördísar þá ætla ég að koma með nokkrar Hjörustaðreyndir

HÚN....
ELSKAR að sofa og ég held hún geti stundum sofið endalaust ef enginn myndi vekja hana
elskar pizzu, pasta (eins og stóð fyrir neðan) og já líka rauðkál
er stundum og bara stundum svona pínu sein....
dýrkar myndina france kiss og "horfir" oft á hana þegar hún er að taka til( og talar með allri myndinni)
kann að fara í "flikk flakk"
hatar ef fólk kallar hana Hjöddu!
elskar kók,stjörnusnakk og saltlakkrís
getur verið ágætlega flippuð
Loved Leonardo Dicaprio þegar hún var yngri og safnaði úrklippum af honum og bjó til úrklippubók með myndum af honum
elskar að vera í útlöndum
er að fara á sálartónleika í Danmörku í byrjun nóvember
elskar bjór
fór einu sinni í brú úti á snælandvideo
á litla systur sem talar voða mikið..
nær alltaf að finna sér einhverja fylgihluti á djamminu t.d. plast, grænan borða, sólgleraugu, hatta... bara name it!
getur ekki horft á hryllingsmyndir eða vandræðilega atriði í þáttum
hún er bara yndisleg manneskja og góð vinkona:)
Hafðu það gott í dag Hjördís mín

Sólrún

joyeux anniversaire Sólrún!!!

2005-10-04T23:49:00.000Z

Vá þetta er blogg sem ég skrifaði fyrst 23. sept, sem sagt á afmælisdeginum hennar Sólrúnar en þar sem ég gat ekki alveg gert það sem ég ætlaði þá beið ég aðeins með það.
En betra er seint en aldrei,, ekki satt krakkar?
Langaði bara í tilefni af afmælinu hennar að deila með ykkur nokkrum skemmtilegum myndum af henni úr myndaalbúmunum mínum.

En nei!!!, virkar þetta hjá mér??? auðvitað ekki, djö pirrandi fokk.

Hjör

ps: var að láta inn myndir síðan einhvern tíman um daginn þegar ég, Sólrún og Thelma vorum í flippstuði í góðu puði

smjörkúlur

2005-10-02T16:58:00.000Z

ok ég er að borða brauð núna og áðan þegar ég var að smyrja það þá áttaði ég mig á því að það er soldið sem ég sakna frá Frakklandi.. smjörið sem við keyptum þar var ALLTAF mjúkt og ég er ekki að djóka,, það var alveg eins og í auglýsingunum, líka þegar það var búið að vera inni í ísjökulköldum ísskápnum í sólarhring.

Ég veit að það er örugglega út af einhverjum geislavirkum eiturefnum sem þetta var svona en mér er bara skítsama,, hata að þegar ég ætla loksins að fá mér brauðsneið í ró og friði þá nær maður í fyrsta lagi smjörinu varla upp úr dollunni og svo þegar maður er búinn að vera að rembast við það og smjörið er komið á hnífinn þá ætlar maður að reyna að fara að setja það snyrtilega á sneiðina en þá rifnar bara allt brauðið í tætlur og allt fer til helvítis.

Þess vegna fæ ég mér alltaf ristað brauð en það er bara ekkert gott með eggi.

Hjör

I LOVE NY

2005-09-27T23:53:00.000Z

Jæja, komin heim frá New York, kom í morgun og er alveg stórkostlega sátt með þessa ferð þó ég hefði alveg sætt mig við kannski einn dag í viðbót.... eða 11.

Fórum seinnipartinn á sunnudaginn og vorum komnar á hótelið um hálf níu um kvöldið, hlupum út í ToysRus eftir að hafa verið settar í herbergi þar sem var fólk fyrir,, fegin að þau voru ekki inni á herberginu þegar við opnuðum því hver veit hvað hefði gerst þá. Ekki hefði ég viljað labba inn á eitthvað gamalt fólk vera að kela eða eitthvað, jafnvel meira, yew!!

Fórum sem sagt í ToysRus á Times Square og í Virgin Megastore þar sem ég keypti mér 4 seríur af Will & Grace á tilboði, elska þessa þætti.. Fórum svo að éta á Friday´s en vorum báðar eitthvað svo þreyttar að við fórum bara upp á hótel og vorum sofnaðar fyrir miðnætti, í herbergi sem bara við vorum í..
Vorum btw á hóteli sem heitir Millenium Broadway og vill svo skemmtilega til að það er akkurat hótelið þar sem við sáum Kevin Kline seinast þegar ég og Sóla fórum til New York. Ég sá hann samt ekki núna en hver veit nema að þetta hafi verið herbergið hans sem við löbbuðum inn á þarna fyrst...

Við vorum svo komnar niður í Soho klukkan 10 á mánudagsmorgun og þá byrjaði fjörið. Við nánast hlupum á milli búða og vorum sko með svona tímaáætlun og læti. Ég náði að kaupa mér slatta, þar á meðal myndavél og ipod, fínt það. Keypti mér svo einhver föt og skó og svona glunderí.
Rútan átti svo að koma og sækja okkur kl. hálf sjö svo ég náði aðeins að labba á einhvern svona kínamarkað á meðan Edda Karen hafði sig til og fór í fluffubúninginn.
Var að labba á Times Square þegar allt í einu og fyrirvaralaust, labbar maður að mér, með einhvern sjampóbrúsa í hendinni sem hann notaði fyrir míkrafón, og segir " SO, HOW DOES IT MAKE YOU FEEL WHEN PEOPLE LAUGH HYSTERICALLY?", ég horfði á hann frekar vandræðalega svona þar sem hann þurfti nánast að hlaupa við hliðina á mér og sagði bara "sorry, I don't have time for this akkurat now" iiiiii .. nei nei sagðist bara ekki hafa tíma og gaurinn bara yeah sure, geðveikt fúll,,
En þetta var kannski bara svona had to be there moment, en gott dæmi um hvað það er til mikið af skrítnu liði þarna, og með þeim mun skrítnari spurningar.

Lenti svo á snakki við eina kínagelluna sem var að vinna á markaðnum. Ég var nefnilega eitthvað að reyna að fela helminginn af peningunum mínum til að geta prúttað en svo langaði mig svo mikið í eyrnalokka sem voru þarna og gellan var ekkert að gefa sig, (var btw mamman og kunni ekki sjitt í ensku), þannig að ég náði í peningana sem voru í töskunni minni og borgaði. Þá kom dóttirin eitthvað "I like your style" með svona hreim eins og gellurnar sem voru í fangelsinu með Bridget Jones. Og ég bara "yeah, thanx", þá kom gellan "jú ameríkan rææít?", ég eitthvað, "no I´m from Iceland"... ég vissi ekki hvert gellan ætlaði.. "jú from æslaaan?, æ bin þeaa" og ég bara "oh really", hugsaði með mér great, nú missi ég af fluginu. Gellan hélt áfram "ol pípol in æslan bjútifoooool, ol so white, jú bjútifoooool, end I went to lagoon and the water so bjútifooool", ég gat ekki annað en bara kinkað kolli og svo var gellan alltaf að þýða allt yfir á kínversku eða hvern fjandann sem mamma hennar talaði svo hún gæti nú örugglega verið með í samræðunum,, stundum vissi ég ekki heldur hvort gellan var að tala kínversku eða ensku þegar hún var að tala við mig af því að hún var með svo mikinn hreim. En þetta blessaðist nú allt á endanum og ég labbaði út heilu og höldnu og drullaði mér upp á hótel af því að ég var orðin allt of sein.

Sat svo á saga class á leiðinni heim og sjitt hvað það var næs, vissi ekki að það væri svona geðveikur munur á þessu. Í fyrsta lagi þá eru sætin svona þúsund sinnum stærri og svo áður en maður fer í loftið þá fær maður fordrykk að eigin vali. Svo fékk ég bara dvd spilara í hendurnar og gat valið úr svona 20 myndum til að horfa á. Fékk svo blautan þvottapoka til að "freshen up" áður en ég fékk matinn sem var næs og borðaði hann með álhnífapörum og drakk úr glerglasi, þurrkaði mér svo með viskastykkinu sem ég fékk með og horfði á dvd myndina mína á meðan. Ákvað svo að leggja mig með þrjá kodda og tvö flísteppi, en fór fyrst í sagaclass sokkana og lét á mig augnahyljaragrímudraslið. OHHH, þetta var magnað.

Hlakka ekki til að fara næst til útlanda og sitja á almennu farrými :-(

En núna þarf ég að fara að sofa, með nýju augnahyljaragrímuna mína og í fínu nýju sokkunum mínum.

Hjör

Ps: En ég var að velta, (vá djók sem enginn fattar nema Edda).

Hvernig ná heyrnatól alltaf að fara svona auðveldlega í flækju og þá líka alltaf svona massíva, torleysanlega flækju. Ég bara skil þetta ekki og þetta fer geðveikt í taugarnar á mér. Það þarf ekki meira en að leggja þau frá sér í smá stund og taka þau svo upp aftur og þá er allt farið í rugl. ohh

En jæja, góða nótt.

MIG LANGAR TIL NY!!!!!!!!!

2005-09-25T21:12:00.000Z

Bauð stelpunum til mín á föstudaginn í smá kökur og chill.
síðustu fóru um 03:15(þegar hópur af stelpum koma saman er endalaust hægt að tala saman)
ýkt næs
Eva er komin heim í nokkra daga, það var geðveikt gaman að hitta þig Eva mín :)

OHHH Hjördís er ábyggilega komin til NY núna, ohh ég gæti ekki öfundað hana meira!!! þó hún sé bara þarna í 2 daga.. þetta er geggjuð borg. Það var líka svo ógeðslega gaman síðast þegar ég fór!

Þórunn og fleemargrét:( sakna ykkar ógilslega mikið!!!!!!!!!

Klukk bling blong

2005-09-20T00:50:00.000Z

ok Þórunn "klukkaði" mig víst á msn og þá þarf ég að blogga fimm línur um sjálfa mig.. annað eins hef ég nú gert svo þetta verður easy..

sko

ég er með ólæknandi útlandaþrá
ég er alltaf að átta mig meira og meira á því hvað ég sakna Þórunnar minnar allt of mikið
ég var alltaf að prófa alls konar skemmtilega hluti þegar ég var lítil, t.d settist ég einu sinni á klóið og fékk mér að drekka til að gá hvort að það kæmi beint í gegn - það gerði það ekki. Svo fór ég einu sinni að sofa í lopapeysu, ullarsokkum, gammosíum, með trefil og húfu og vettlinga til að gá hvað myndi gerast - ég vaknaði sveitt.
ég gæti lifað á pítsum og pasta, fengi aldrei ógeð
ég er viðbjóðslega lofthrædd og myndi ekki fara í fallhlífa- eða teygjustökk þó ég fengi milljón dollara

jahá, þetta var nú skemmtilegt

Sjitt ég er að fara til New York á sunnudaginn í tvo daga og ég get ekki beðið víííííí. Im gonna shop till I drop!!!

Hjör

mmm soup, no no noodlesoup,,, no, soup

2005-09-07T23:03:00.000Z

when you wake up in your bed and you´re feeling something wet,

diarea prrr prrr, diarea prrr prrr

Mega skemmtilegt reunion seinasta laugardag þar sem ég drakk og drakk og drakk og drakk, dansaði svo og dansaði a little more, fékk mér pizza king og spjallaði við ástrala og kom svo heim klukkan átta með mömmu.
Hress á sunnudaginn, vinna á mánudaginn, æla og dauði á mánudagskvöldið og sjitt hvað mér leið illa, hélt án gríns að þetta væri mitt síðasta. Fengum sem sagt eitthvað matareitrunarsjitt á reunioninu. Ef þetta er ekki bara seinheppnasti árgangurinn í skólanum. En við þurfum nú líklegast ekki að borga fyrir þetta svo að við getum haldið áfram að safna vöxtum á peningana sem við fengum endurgreitt seinast og kannski getum við þá gert eitthvað skemmtilegt eftir önnur fimm ár. Kannski kastað okkur niður kletta ofan i sjó fullan af hákörlum.

Borðaði sem sagt eina núðlusúpu frá hádegi á mánudag til hádegis í dag og ég gat ekki einu sinni klárað hálfa. Þá varð ég leið og hugsaði um Frakkland af því að ég og Heiðdís borðuðum eiginlega bara núðlusúpur þarna úti. Sátum úti á svölum í sólinni og borðuðum núðlusúpu með papriku og sveppum og drukkum kók, mmmmmmmmmm.
Ég er leið núna og langar aftur til Montpellier.. I need cheering up!

Hjör

sturtuhugleiðingar

2005-08-31T21:00:00.000Z

Ég týndi símanum mínum áðan í svona hundraðasta og milljónasta skiptið. Djöfulsins vesen

En ég var samt að spá svona áðan þegar ég var í sturtu (hugsa nefnilega oft mjög mikið um alls konar málefni í sturtu þar sem að söngkunnátta mín er ekki upp á marga fiska), var sem sagt að spá af því að Heiðdís ætlaði að hringja í mig og þar sem að síminn minn er týndur og tröllum gefinn þá þurfti hún að hringja í heimasímann.

Ég bað því til guðs að hún myndi ekki hringja akkurat á meðan ég væri í sturtu af því að mamma mín var að svæfa. Þá datt mér í hug, væri ekki sniðugt ef maður þyrfti aðeins að skreppa til dæmis í sturtu eða á fund eða bara eitthvað svona stutt að maður gæti lesið inn svona tímabundið talhólf þannig að ef einhver væri að reyna að ná í mann þá kæmi ekki bara þetta venjulega talhólf heldur svona, "skrapp í sturtu, hringi eftir fimm (eða fimmtíu og fimm í mínu tilfelli)" eða "er aðeins á trúnó, hringdu seinna".

Ég veit að núna hugsa margir "ohh Hjördís, þú ert náttúrulega með númerabirti og getur bara hringt í þann sem hringdi þegar þú ert búin í sturtu en málið er bara að ef að ég er með missed call úr nr sem ég þekki ekki þá hringi ég ekki aftur og það er ekkert gaman fyrir þann sem vill ná í mig og kannski segja mér eitthvað merkilegt sem ég get þá hugsað um næst þegar ég fer í sturtu jú síí.

En hugsiði aðeins um þetta krakkar og segið mér hvað ykkur finnst...

Ps: Hringdu Heiðdís, ég sakna þín

nettur

2005-08-29T18:10:00.000Z

Ætli það sé hægt að panta þennan í partý?

uuu já

2005-08-29T10:43:00.000Z

JÁ NÚ GET ÉG HÆTT AÐ BÍÐA....UPPÁHALDS ÞÁTTURINN MINN ER Í KVÖLD!!!!!!!!

þynnka

2005-08-14T15:32:00.000Z

Einu sinni var stelpa sem hét Kleprína Proppé og var doktor í sorphreinsitækni. Hún undi vel við sinn hag hvern dag og söng oft lag með gamaldagsbrag en missti stundum þvag á vondum tímum.
Eins og einu sinni þegar hún var í fjölskylduboði hjá tilvonandi manninum sínum. En þá var hún reyndar líka búin að drekka fjóra stóra bjóra og var ekkert að slóra þegar hún hitti Dóra blóraböggul og henti í hann vöggu af því að hún hélt að hann væri köttur. Dóri meiddist illa á tá en þá fór hann út á krá til að sjá hvort hann væri brotinn og honum brá þegar sá sem hann hafði dreymt um að flá lá þarna og sagði á, ég held ég sé með brotna tá. Vá hvað hann sá eftir því þá hvað hann var leiðinlegur maður. Hann var svo leiðinlegur að þó hann lægi í snjó með fló í höfði og ló undir rúmi þá dó enginn úr hræðslu við að sjá hann heldur hló hinn sá sami og dró að sér fæturna.
Það sama gilti um Kleprínu sem oft var bara í einum skó og einum sokk. Hún lét sér nægja skokk með hestinum sínum Brokk og hristi hún því óðum sinn skrokk og klippti hárlokk úr rassi sér því hún var ber.
Stundum er hún hljóp þá heyrði hún óp og hróp og linnti ekki hlaupum fyrr en hún sá stóran hóp af fljúgandi ofnskúffum. Hún sagði:"ég er hér og geri bara eins og mér ber og ef þér finnst ég fífl þá bara so be it og við sjáum hvernig fer".

hjör

-bullshit-

2005-08-12T23:16:00.000Z

Já einhver var að kvarta yfir að þetta væri dauð síða og ég er sammála, ég hef ekkert merkilegt að segja af því að það er ekkert merkilegt að gerast hérna á þessu sjittí landi.
Ég veit alveg að ég gæti hætt að kvarta yfir að ekkert væri að gerast og bara fundið mér eitthvað skemmtilegt að gera eins og þegar ég kem heim og segi við pabba "ohh, það er ekkert til að borða" og hann lítur í ísskápinn og segir "Hjördís, það er fullt til, þú getur búið þér til pastarétt eða eggjabrauð", og ég horfi á hann og veit að hann hefur rétt fyrir sér en ég bara nenni ekki að búa mér neitt til,, fæ mér bara seríós, og það er leiðinlegur matur. Mig langar bara að það sé til samloka eða bara eitthvað gott að borða sem er tilbúið fyrir mig alveg eins og að mig langar bara að það sé alltaf eitthvað skemmtilegt í gangi og ég sé bara að fara til útlanda aðra hverja helgi og eiga fullt af peningum og fljúgandi póníhest.

djamm????

2005-08-12T08:51:00.000Z

ER DJAMM UM HELGINA???

2005-08-09T20:06:00.000Z

Hahah smá svona brot af því hvað var ógó gaman hjá okkur á þjóðhátíð!!!

við að herma eftir techno gaurnum...Og Hjördís með þetta plast um hálsinn,hahaha...

sólrún

Til hammó með ammó ammó og afó

2005-08-03T19:08:00.000Z

Ég vil óska ömmu minni og afa innilega til hamingju með að vera búin að þola hvort annað í ekki 30, ekki 40 heldur heil 50 ár. Sjitt ég held bara svei mér þá að þau séu búin að finna sér lifsförunaut.

Nettustu hjúin í bænum

Til hamingju með goldie

Kv. Hjördís

til hammara með ammarann

2005-07-28T23:51:00.000Z

Hún á afmæli í dag
hún á afmæli í dag
hún á afmæli hún Heiðdís
hún á afmæli í dag!
Hún er 21 árs í dag
hún er 21 árs í dag
hún er 21 árs hún Heiðdís
hún er 21 árs í dag!!!!!
Veiiiiiiii
UUU fyrir þá sem vita ekki þá gáfum við Heiðdísi miða á Þjóðhátíð og hún var ekkert smá ánægð og við erum líka ekkert smá ánægðar að fá þig með Heidi mín!
jæja það er nú bara klukkutími þangað til Hjördís kemur að sækja mig og við leggjum í ´ann.
Slúður og margt fleira væntanlegt þegar við komum heim á þriðjudaginn!!!!

ég er að fara til eyja naní naní

2005-07-27T12:17:00.000Z

Ohh ég get ekki beðið maður, það verður svooooooo gaman, sjitt..
Erum sem sagt komnar með þetta mega flotta blogg og vá hvað ég kann ekkert á þetta, horfði fyrst á template dæmið og Signý var eitthvað að reyna að úrskýra þetta fyrir mér,, hefði alveg eins getað verið á kínversku. En núna, þá er ekki að spyrja að því, ég og Sólrún erum orðnar masters í þessu, sátum hérna heima heila kvöldstund og spáðum í þessu.. á endanum vorum við farnar að tala í hornklofum og skástrikum,, hei eigum við ekki að láta bara

þarna og FF4E1F þarna.. var svo með harðsperrur í heilanum allan daginn á eftir.

En já ég bloggaði seinast þegar ég var úti í Montpellier og það er orðið soldið langt síðan,,, langar þangað aftur bú hú hú,, sakna svo allra vina minna þaðan. En ég á samt góða vini hérna líka, ég er ekki að segja það, myndi bara vilja taka þá alla með mér þarna út svo við gætum farið að DJJJJJJJJAAAAAAAAAAMMMMMMMMMMMMAAAAAAA..

en núna er hádegishléð mitt alveg að verða búið og ég ætla að hoppa út í sólina.. aumingja þeir sem eru að vinna inni.

Að lokum ætla ég að láta geðveika mynd þar sem sést hvað ég er stolt af landinu mínu,,, því ég erða!

Voða sniðugt svona um kvöldið

en ekki morguninn eftir. Það er erfitt að ná túss úr andliti.

tjill

2005-07-22T18:46:00.000Z

jæja þá erum við haraldsdætur komnar með nýtt blogg...vííí
Heyrðu ég er að elska þessa síðustu daga,bara alltaf sól og blíða. Og í tilefni þess fórum, ég(Sólrún),Hjördís og Thelma í nauthólsvík í dag að tjilla í sólinni:)
svo á að vera enn þá betra veður á morgun!!!
Já aðal ástæðan að við fengum okkur nýtt blogg var að við gátum aldrei sett neinar myndir inn....
en víst við erum komnar með nýtt blogg, setti ég eina kroppamynd fyrir ykkur:)hún er nú ekki AFLEIT...
over and out